Para maalis ang isang bagay sa website, karaniwang kailangan mong makipag-usap sa taong nagmamay-ari ng website. Kahit na nakita mo ito sa Google, hindi pagmamay-ari ng Google ang website.
Bakit dapat makipag-usap sa may-ari ng website
Kahit na alisin ng Google ang website o larawan sa resulta ng paghahanap namin, nariyan pa rin ang page. Ibig sabihin, mahahanap pa rin ito ng mga tao kung ita-type nila ang URL sa site, sa pamamagitan ng pag-share sa social media, o mula sa iba pang search engine.
Ang pinakamainam na gawin ay makipag-usap sa may-ari ng website, dahil puwede niyang alisin ang page.
Tip: Kung lumalabas ang isang larawan o impormasyon kapag naghahanap ka sa Google, nasa Internet ito. Hindi ito nangangahulugang sumasang-ayon ang Google dito.
Paano makipag-usap sa may-ari ng website
Narito ang ilang paraan para makipag-usap sa taong nagmamay-ari ng website:
- Link na "Makipag-ugnayan sa amin": Hanapin ang link na “Makipag-ugnayan sa amin” o ang email address para sa may-ari ng website. Karaniwang nasa homepage ito ng site.
- Hanapin ang impormasyon sa pakikipag-ugnayan sa Whois: Puwede mong gamitin ang Google para alamin kung sino ang may-ari ng website. Pumunta sa google.com at hanapin ang
whois www.example.com. Madalas na makikita ang email address para makipag-ugnayan sa may-ari ng website sa ilalim ng "Email ng Nagparehistro" o "Pakikipag-ugnayan sa Administrator.” - Makipag-usap sa hosting company ng website: Isinasaad din sa iyo ng resulta ng paghahanap sa Whois kung sino ang nagho-host sa website. Kung hindi mo makaugnayan ang may-ari ng website, subukang makipag-usap sa kumpanyang nagho-host sa site.
Kung nagawa na ng may-ari ng website ang pagbabago sa website na hiniling mo, puwede mong hilingin sa Google na alisin ang lumang impormasyon sa paghahanap nito. Para gawin ito, magpadala ng request sa pag-aalis ng webpage.